Кампањата на демократскиот претседателски кандидат Џо Бајден собра 48 милиони долари за 48 часа откако Бајден ја назначи сенаторката Камала Харис за свој заменик претседател, изјави денеска портпаролот на кампањата, пренесува Хина.
Бајден и групите што ја поддржуваат неговата кампања собраа 140 милиони долари во мај.
Бајден, самиот поранешен потпретседател, во вторникот ја избра Харис, од индиско-јамајканско потекло, за свој заменик.
По расните немири поради смртта на Афроамериканецот Џорџ Флојд за време на полициско апсење, Бајден беше под силен притисок да избере некој кој не е белец за позицијата потпретседател.
55-годишната сенаторка од Калифорнија, која беше во трка за Белата куќа но се откажа и го поддржа Бајден, е исто така првата Американка со азиско потекло што зазема толку висока позиција.
Харис беше избрана во Сенатот во 2016 година како само втора Афроамериканка во својата историја што тоа и успеало. Таа треба да ги мобилизира Афроамериканците, најлојалниот електорат на Демократската партија.
Пред четири години одзивот на црните гласачи на претседателските избори драстично опадна за прв пат по 20 години, што во голема мера придонесе за неуспехот на тогашниот демократски кандидат Хилари Клинтон, која загуби од Доналд Трамп.
Харис, поранешна обвинителка и главен државен правобранител во Калифорнија, е позната по нејзиниот агресивен стил во дебатите во Сенатот, и таа беше подеднакво груба кон Бајден во кампањата пред да биде избран.
Таа има шанса да биде главен кандидат за демократска номинација во 2024 година.