Повеќе од илјада Американци умираат од коронавирусот секој ден во последните две недели, а Центрите за контрола на болести предвидуваат дека бројот на жртвите би можел да достигне 200.000 до почетокот на септември. Д-р Ентони Фаучи, водечки американски епидемиолог, изјави дека „не е задоволен од развојот на ситуацијата“ и повторно предупреди дека безгрижното отворање може да има катастрофални последици.
Дебатата околу отворањето на училиштата продолжува да трае. Во училиштата што веќе се отворија, проблемите брзо се појавија – најмалку 2.400 ученици и наставници се ставени во карантин во шест земји. Но, во земји каде што наставата во живо не започнала – има и отпор, пренесува Гласот на Америка.
Десетици родители и ученици во Пенсилванија се собраа пред локалната судница, апелирајќи до надлежните органи да ги отворат училиштата. „Сакам да бидам на училиште и да играм спорт со соодветни мерки за заштита“, рече Џереми Леман, кој игра лакрос за училишниот тим.
Во Калифорнија, едно училиште ги прекрши државните наредби и сепак ги отвори вратите на стотици ученици. „Тоа ќе поништи секаков потенцијален напредок што го направивме за да се запре вирусот“, рече Џесика Берген, застапник за настава преку Интернет.
Д-р Ентони Фаучи вели дека за да се отворат училиштата, „заедниците треба да ја одржат стапката на инфекција под 10%“, и дека мерењето на температурата не е сигурен начин за испитување.
Во разговор на Фејсбук со гувернерот на Род Ајленд, Џина Рејмонд, Фаучи рече дека часовите треба да бидат што е можно поотворени, дека прозорците треба да бидат отворени во училишните автобуси и учениците треба да носат маски што е можно повеќе.
„Излегувајте колку што можете повеќе. Ако ги погледнеме митинзите каде имаше масовно ширење на вирусот, тие скоро секогаш беа во затворен простор“, рече тој, потсетувајќи се на жариштата на инфекција во пензионерските домови, магацините, затворите, како и свадбите и другите социјални настани.
Фаучи, кој беше интервјуиран во живо на Инстаграм од актерот Метју Меконахи, вели дека Американците треба да избираат меѓу забавите ова лето и учебната година.
Во Охајо, властите откриле дека повеќе од 80 случаи на вирус се поврзани со јавен собир – квиз во една винарија, каде домаќинот имал симптоми и се тестирал позитивно една недела пред да настапи.
Најголемата област на Аризона се подготвува за враќање на повеќе од 70.000 студенти и наставници, а покажа и снимка на магацин со заштитна опрема што се доставува до повеќе од 80 училишта.
„Сакаме да се погрижиме сите да се чувствуваат безбедни“, рече Холи Вилијамс, заменик-шеф на училишната област.
Првиот средношколски натпревар на американскиот фудбал оваа сезона се одржа синоќа во Јута. Официјалните претставници на училиштата велат дека сите учесници на натпреварот биле прегледани пред почетокот, а социјалното растојание се спроведувало на трибините на кои седеле околу 900 гледачи.
„Сите деца на нашата гимназија, без разлика дали сакаат фудбал или не, го гледаат овој натпревар на националната телевизија и сакаат да видат некаква нормалност“, рече директорот на гимназијата „Хериман“, Тод Кворнберг.