Демонстрации се во тек пред неколку фабрики и седиштето на белорускиот јавен сервис во Минск, откако опозицијата повика на генерален штрајк во знак на протест против реизборот на претседателот Александар Лукашенко.
Работниците од другите фабрики се упатија кон производителот на тешки возила МЗКТ каде главниот собир, за да им се придружат на демонстрантите.
„Оди се!“, „Нема да заборавиме, нема да простиме“, извикуваа демонстрантите собрани пред седиштето на МЗКТ.
Демонстрантите, кои мавтаат со бело и црвено опозициско знаме се собраа пред фабриката за тешки возила, каде Лукашенко пристигна денес со хеликоптер за да се сретне со работниците во фабриката МЗКТ, обидувајќи се да го минимизира обемот на протестите и да се осигура дека сите фабрики во земјата функционираат, и покрај повиците на генерален штрајк.
„Ако некој не сака да работи и сака да ја напушти својата работа, вратата е отворена за него“, рече Лукашенко.
Штрајковите во државните компании се сметаат за реална закана за неговото задржување на моќта, бидејќи тие се економската основа на земјата. Во текот на викендот, членовите на владата и функционерите на претседателската администрација веќе се обидоа да ги убедат луѓето да се вратат на работа, но без успех.
The whole country is on strike. The dictatorship is about to fall. #Belarus pic.twitter.com/LNGHXH14ZV
— Artur Petrosyan (@arturpetrosyan) August 17, 2020