Претседателот на Белорусија, Александар Лукашенко изјави дека е убеден дека Западот финансира улични собири и немири во таа земја.
На сесијата на Белорускиот Совет за безбедност, Лукашенко ги повика водачите на западните земји, кои денес се состануваат да разговараат за ситуацијата во Белорусија, да се фокусираат на проблемите во нивните земји.
„Западните земји, директно, без да се кријат, отворено најавуваат собирање средства и нивно испраќање во Белорусија. Тоа го гледаме “, рече Лукашенко.
Тој додаде дека Белорусија не може да ги следи сите средства што се испраќаат во таа земја затоа што, како што тврди, многу од нив доаѓаат во готовина.
„Но, тоа го знаеме и ќе се фокусираме на тоа прашање“, рече Лукашенко за „БeЛТА“.
Лукашенко ги повика западните лидери да се фокусираат на проблемите во нивните земји.
„Би сакал да ги советувам: пред да го вперат прстот кон нас, треба да ги стават на агендата на нивните состаноци прашањата за „жолтите елеци“ во Франција и ужасните немири во САД. Сакам тие да ги разгледаат протестите против мерките за изолација заради коронавирусот во Германија и другите европски земји“, рече Лукашенко.
Тој на состанокот на Советот за безбедност, на кој присуствуваа и водачите на регионот преку видео-врска, рече дека Белорусија сè уште се соочува со тешка социјална и политичка ситуација, пренесе ТАСС.
Лидерите на Европската унија се подготвени да воведат построги санкции кон Белорусија на денешниот вонреден самит на Интернет, посветен на кризата во таа земја, изјави еврокомесарот за индустрија, Тиери Бретон.