Стотици вреќи со марихуана паднаа од небото на централниот плоштад во Тел Авив оваа недела, во радост на изненадените минувачи.
„Крајно време е, драги браќа. Дали е тоа птица? Дали е тоа авион? Не, тоа е зелен дрон што дистрибуира марихуана бесплатно“, напиша групата на „Зелен дрон“ во криптирана порака на апликацијата Телеграм, пренесуваат израелски медиуми.
Две лица кои управувале со дронот биле сопрени од полицијата, а локалните медиуми јавуваат дека подоцна биле уапсени.
Но, ваквите акции нема да застанат тука. Од „Зелен дрон“ објавија дека проектот „Дожд од марихуана“ ќе продолжи секоја недела на друга локација во Израел, каде вкупно ќе падне од небото еден килограм од таа дрога.
Иако Израел одобри извоз на медицинска марихуана, производството, продажбата, купувањето и употребата на оваа „мека дрога“ за „рекреативни цели“ сè уште претставува прекршок.
A drone has dropped hundreds packets of cannabis in Tel Aviv, Israel.
It is thought to be the work of Green Glider, which is calling for the legalisation of recreational drugs.
To watch more videos, click here: https://t.co/KtL0Z5cl4G pic.twitter.com/mWscjlve09
— SkyNews (@SkyNews) September 4, 2020