Инстаграм привремено ги блокираше профилите на две новинарки на францускиот сатиричен весник „Шарли Ебдо“ поради карикатурите на пророкот Мухамед.
Според „Еуроњуз“, новинарката на Шарли Ебдо, Лор Доси се пожалила во неделата на Твитер дека Инстаграм и го блокирал профилот откако ја сподели најновата насловна страница на тој сатиричен труд, на која се прикажани карикатури на исламскиот пророк Мухамед. „Ова е неверојатно“, порача таа на Твитер.
Нејзината колешка Коко Бур веднаш потоа сподели дека и се случило истото.
Mon compte #instagram a été "désactivé". La dernière photo que j'avais postée était la #Une de @Charlie_Hebdo_ C'est donc probablement un piratage ou un signalement en masse, nouvelle forme de #censure. Hallucinant. pic.twitter.com/URhKpeFxjm
— Laure Daussy (@LaureDaussy) September 5, 2020
Да потсетиме, во јануари 2015 година двајца исламски терористи упаднаа во редакцијата на „Шарли Ебдо“ и убија 14 лица, меѓу кои и познати карикатуристи.
Деновиве во Париз започна судењето за помагачите на исламските терористи, а по тој повод, „Шарли Ебдо“ неодамна на својата насловна страница ги објави карикатурите на Мухамед, кои првично беа објавени во 2006 година во данскиот весник „Jylands Posten“.