Чешкиот премиер Андреј Бабиш денеска и порача на Светската здравствена организација (СЗО) дека е подобро за неа да молчи затоа што долго време не препорачувала заштитни маски, ниту на почетокот знаела дека започнала пандемија, отколку сега да ги критикува земјите кои се успешни во контролирањето на коронавирусот, како што е Чешка.
СЗО денес реагираше на најавата за промена на критериумите за тестирање и трагање на контактите на луѓе позитивни на коронавирус во Чешка, што Полска веќе го стори и истакна дека решението во борбата против пандемијата не е да се намали бројот на тестови или да се напушти деталното следење на контактите.
„Луѓето без симптоми можат да го пренесат вирусот. Тестирањето, следењето на контактите и изолацијата немаат алтернатива во сузбивањето на Ковид-19. Ниту кај нас, ниту на кое било друго место“, велат од чешката канцеларија на СЗО.
Тековниот развој на епидемијата во Чешка, СЗО го нарече алармантен, бидејќи во последните 14 дена има зголемување на заразени со Ковид-19 од над 75 проценти во споредба со претходните две недели.
„Само седум земји во европскиот регион на СЗО сега имаат поголем пораст во овој период“, изјави СЗО.
Чешкиот премиер одговори со друга статистика, бројот на смртни случаи од коронавирус на милион жители, каде што Чешка е шеста меѓу 31 европска земја, со 41 починат на милион жители и вкупно 437 смртни случаи, додека полоши индикатори имаат, на пример, Франција со 471 смртни случаи на милион жители, Холандија со 364, Северна Македонија со 299 или Австрија со 83 мртви, Унгарија со 65 или Полска со 56 смртни случаи од Ковид-19 од почетокот на пандемијата.
„Сега читам што објави СЗО. Истиот СЗО кој не препорача маски ниту знаеше дека станува збор за пандемија. Според мое мислење, тие треба да молчат“, реагираше премиерот Бабиш на Твитер и го објави списокот на мртви на милион жители од седмото до 31-то место на списокот на европски земји и предупреди дека на Чешка и оди многу добро.
Министерот за здравство Адам Војтех денеска на Твитер, по повод спорот меѓу премиерот и СЗО, објави дека дебатата за промените во системот за тестирање и следење контакти е многу професионална, дека Чешка не сака да го прекине тестирањето, туку системот да биде поефикасен и дека Министерството за здравство ги зголемува капацитетите на лабораториите и регионалните санитарни инспекции и дека пред каков било заклучок, треба да се почека да се објави новата стратегија во петок.
Една од причините да се смени системот за да се намали бројот на тестови, бидејќи контактите на заразените не би се барале и само луѓето со симптоми би оделе на тест, е тоа што локалните санитарни инспекции во жариштата во Чешка, особено во Прага, признаваат дека тие не успеваат навремено да ги тестираат и следат сите контакти во согласност со сегашниот систем.
Полска веќе се придвижи кон новите критериуми, што веднаш се рефлектираше во дневен пораст на позитивните случаи, а додека на 21 август беше соборен дневниот рекорд со 903 нови случаи, според денешните податоци на Министерството за здравство. За 24 часа откриени се само 400 нови случаи позитивни на вирусот.
Полскиот информативен портал Onet.pl денес сподели преглед на дневните тестови, откако според објавата на полското Министерство за здравство, на 1 септември биле извршени 29.400 тестови, 34.100 тестови еден ден подоцна, но на 3. септември 15.600 тестови, додека на 7. септември биле извршени само 10.300 тестови, а кривата на откриени позитивни случаи го следеше бројот на извршени тестови и исто така е во значителен пад.