Најмалку 28 лица го загубија животот во пожари во САД

Најмалку 28 лица загинаа во пожари кои беснееја во западноамериканските држави. Најголем број на смртни случаи се забележани во Калифорнија, каде 19 лица загинаа во пожари. Најголемиот број жртви е пријавен во последните неколку дена, пренесува новинската агенција ТАСС.

Во западноамериканските држави, регистрирани се повеќе од 100 пожари на над 1,9 милиони хектари, а најтешко погодени се Калифорнија, Орегон и Вашингтон.

Портпаролот на Белата куќа Џад Дир изјави дека претседателот Доналд Трамп утре патува во Калифорнија, со цел да добие извештаи за моменталната состојба од локалните власти.