Во гостувањето на Телма, Снежана Калеска Ванчева од СДСМ истакна дека треба да се најде модалитет како Собранието ќе функционира во вакви вонредни околности.
-Бројките се високи и загрижувачки, но со оглед на она што го кажуваат здравствените работници апсолутно очекувано беше да има втор бран наесен бидејќи беше најавуван и од СЗО и од комисијата за здравство.Многу брзо откако се конституираше парламентот и владата СДСМ како мнозинство размислуваше и говореше за изнаоѓање начин на работа на Собранието во вонредни околности. Да најдеме модалитет и начин како да работиме во случај да дојде до нарушување на процесот на работење онака како што е предвидено. Да не бидеме ставени во ситуација Парламентот да не може да си ја извршува својата работа и пратениците да не можат да го работат она за кое се избрани. Се надевам дека ќе постигнеме консензус за да може да овозможиме онлајн да работат пратениците, смета Калеска-Ванчева.