„Владите во Македонија не создадоа услови за нормален развој на своите граѓани, туку само создадоа тензија во земјата. Прво започнаа со прогон на луѓе кои се нарекуваа Бугари, по конфликтот со Албанија – скандал со Грција, скандал со Бугарија – и така 28 години. Од оваа причина, дел од Бугарите во Македонија доаѓаат и земаат бугарско државјанство“, изјави вицепремиерот на Бугарија и лидер на ВМРО – Красимир Каракачанов за БТВ.
Според него, Бугарија јасно ставила до знаење дека основата на нивната поддршка за ЕУ е спроведувањето на договорот потпишан во 2017 година. „Тој договор не се исполнуваше“, истакна тој.
„Поранешниот премиер Љубчо Георгиевски јасно кажа: И покрај големата желба на премиерот Зоран Заев, со Македонија управува длабока држава – поранешните југословенски служби, кои ги контролираат медиумите, политичката елита и бизнисот“, објасни Каракачанов.
„Досега, нашите пријатели во Македонија, јас би ги нарекувал браќа, добиле само добри работи од Бугарија – ние први ја признавме нивната независност. Речиси 30 години, кога Бугарија правеше нешто добро, не беше слушнат ниту еден добар збор – ниту од македонски политичар, ниту од медиумите. Меѓутоа, кога Бугарија го покренува прашањето за нашата заедничка историја, дека има луѓе кои се репресирани, дека се Бугари, кога велам – ние ве поддржуваме, а вие го уништувате бугарските споменици, ја фалсификувате историјата, тогаш се крева глас“, вели лидерот на ВМРО.
„Оваа земја тропа на вратата на Европа, дури и ние ја влечеме за рака да влезе во Европа. Ние сакаме оваа земја да се однесува со почит“, рече тој.
Каракачанов потсети дека ЕУ има едно многу јасно правило што важи за сите, вклучително и за Бугарија – не можете да влезете во ЕУ ако не сте ги решиле спорните билатерални прашања.
„Скопје нема желба да ги реши. Тие сметаат дека можат да прават итроштини, како досега. Бугарија да ги поддржува, а тие да ни забодат нож во грб и да не злоупотребуваат, додаде Каракачанов.