Бугарија го загуби мечот во 91. минута со одбивањето да ја поддржи Северна Македонија на патот кон Европската унија. Ова го изјави политикологот Георги Кирјаков во емисијата „Клуб Инвестор“.
„Бугарија јасно ги кажа своите приоритети и цели за време на нејзиното претседателство со ЕУ – имено да го прошири блокот во насока на Западен Балкан“, потсетува Кирјаков.
„Одеднаш во 90-тата минута, откако водевме во резултатот овде на Балканот, решивме дека треба да го загубиме мечот во 91-та. Ова го сторивме со тоа што одбивме да ја поддржиме Северна Македонија, во овој случај и Албанија, бидејќи тие одат заедно – така е направен механизмот “, коментира тој.
Според политикологот, нашата земја веќе ја изгубила иницијативата.
„Бугарија е веќе во губитничка позиција, но беше во водечка, лидерска позиција“, рече Кирјаков.