Илјадници Белоруси денеска организираа нови демонстрации против долгогодишниот авторитарен претседател Александар Лукашенко, барајќи негова оставка.
Агенцијата Франс Прес наведува дека десетици илјади демонстранти протестирале во неколку делови на Минск, извикувајќи „Да живее Белорусија“ и веејќи црвено-бели знамиња на опозицијата.
Голем број полицајци се на улица, со оклопни возила и водени топови.
Групата за заштита на човековите права „Вјесна“ изјави дека 70 демонстранти биле уапсени набргу по почетокот на протестот.
#Minsk Ludzie odbijają dziewczynę
u omonowców ✌️🔴⚪🔴 pic.twitter.com/RqoqcW9pA6— luba #FBPE 🇪🇺🇵🇱🇺🇦 (@Luba_luba__) November 22, 2020
Белорусите на социјалните мрежи пишуваат дека повторно имало судири меѓу граѓаните и полицијата во дворовите на зградите.
Лидерот на опозицијата Светлана Тихановскаја, која се засолни во Литванија веднаш по изборите за да избегне апсење, го поздрави денешниот протест како нов чекор кон „слободна и праведна Белорусија“.
„Земјата не може да биде затвор ако никој не се плаши од чуварите“, напиша синоќа на „Телеграм“ Тихановскаја, која неочекувано стана главен ривал на Лукашенко на претседателските избори по апсењето на други истакнати опозициски фигури.
#Belarus One brave nation. Look at this crowd – this is one of the neighbourhoods in #Minsk,and dozens of those came out today.People are brutally attacked,shot,tortured,more than 25k detained,but they keep resisting.Police are lacking resources.They were late in many cases today pic.twitter.com/SwiB2cPCuU
— Hanna Liubakova (@HannaLiubakova) November 22, 2020
Властите затворија десетина метро станици во пресрет на денешниот протест, а прекини имаше и во мобилната мрежа, изјави новинарот Франс Прес.
In #Minsk, #Belarus #peacefulprotesters #march for the 15th consecutive week against the #tyranny of the #dictator #AlexanderLukashenko and his #OMON #cowards.#ЖывеБеларусь!!#LukashenkoGoAway#LukashenkoLeave#ЛукашенкоУходи!! pic.twitter.com/MIluLLNrUk
— Zhive Belarus (@ZhiveB) November 22, 2020
Од почетокот на демонстрациите во август, најмалку четири лица починаа или во знак на протест или по апсењето, според АФП.
Илјадници демонстранти беа уапсени, од кои десетици пријавија дека биле измачувани во притвор.