Мери Трамп, внука на американскиот претседател во заминување Доналд Трамп, кој одбива да го признае поразот на претседателските избори одржани на 3 ноември, изјави дека Трамп има ментални нарушувања што сегашната состојба нема да ги ублажи, туку спротивно.
„Доналд Трамп навистина има ментални нарушувања, кои сегашната состојба нема да ги ублажи, туку напротив, се влошуваат“, рекла Мери Трамп во изјава за француското радио „Европа 1“.
„Затоа долго време мислам дека тој не само што не беше создаден за тоа работно место, туку е опасен и за нашата земја“, изјавила внуката на Трамп, специјалист по клиничка психологија.
Според неа, Трамп нема да биде подобар.
„Треба да се потсетиме, и јас не го велам тоа за да му создадам емпатија, дека Трамп е во ситуација што ја немал досега. За првпат во животот треба да се соочи со пораз против кој не може да стори ништо. Искрено, мислам дека тоа многу го плаши“, додала таа.
Мери Трамп смета дека не верува дека тој повторно ќе се кандидира на претседателските избори во 2024 година.
„Слушнав од други луѓе и од него дека може да се кандидира во 2024 година. Меѓу другите проблеми, тој има психолошки нарушувања кои никогаш не биле лекувани и со текот на времето ќе се влошуваат“, истакна таа.
Оваа година, таа ја објави книгата „Премногу и никогаш повеќе: Како моето семејство го создаде најопасниот човек на светот“ (“Too Much and Never Enough: How My Family Created the World’s Most Dangerous Man”), во која ги откри мрачните тајни на семејството за семејството Трамп.
Мери Лиа Трамп е ќерка на постариот брат на Трамп, Фред Трамп.