„Пратениците што учествуваат во работата од далечина да не смеат да носат облека со обележја на автомеханичарски салони и месарници“

„Опозицијата во Собранието предводена од ВМРО-ДПМНЕ продолжува со неодговорно, несериозно однесување, на штета на граѓаните и институциите. Мицкоски и ВМРО ДПМНЕ, но и целокупната опозиција во Парламентот не сакаат функционално Собрание и продолжуваат со својата деструктивност да работат директно на штета на граѓаните“, вели денеска Јован Митрески, координатор на пратеничка група на СДСМ и коалицијата.

„Тоа е срамно и неодговорно однесување, тоа е вистинското лице на ВМРО-ДПМНЕ и опозицијата. Секогаш да ставаат сопки и дејствува на штета на државата и институциите“, посочува Митрески.