Новоизбраниот претседател на САД Џо Бајден има намера да го назначи Калифорнискиот државен обвинител Ксавиер Бесера за министер за здравство и со тоа да му даде клучна улога во борбата против пандемијата на коронавирусот, потврдија два извори за Ројтерс.
Поранешниот конгресмен Бесера ќе го предводи Министерството за здравство на САД, кое се бори против повторното појавување на коронавирусот, рекордниот број на заразени и дневниот биланс на починати кој надмина 2.000 во последните неколку дена, подготвувајќи ја нацијата да се вакцинира.
Изборот на Бесера, 62-годишен латиноамериканец, на чело на Министерството за здравство, падна по притисокот врз Бајден да внесе поголема разновидност во неговиот избор за водечки луѓе, пренесува Хина.
Досега, повеќе од 281.000 луѓе починаа од инфекција со коронавирус во САД. Бајден ги именуваше најистакнатите членови на неговиот здравствен тим за борба против пандемијата минатата недела, а целосниот состав на тимот треба да биде познат оваа недела.
Бајден попопуларен од Трамп, од кога и да било
Јавната поддршка за Бајден се зголеми за шест процентни поени, на 55 проценти од предизборните избори, додека јавната поддршка за претседателот Доналд Трамп падна за три поени, на 42 проценти, според анкетата на Галуп.
Тековниот рејтинг на Бајден е највисок од февруари 2019 година, два месеци пред да ја прогласи својата кандидатура за претседател, кога изнесуваше 56 проценти.
Популарноста на Трамп заостанува зад највисокиот рејтинг за време на неговиот мандат, 49 проценти во април, за време на почетните фази на пандемијата на Ковид-19.
Според овие податоци, пренесува Танјуг, Бајден е попопуларен отколку што бил Трамп во кое било време, откако ја започна својата кандидатура за претседател во јуни 2015 година.
Трамп никогаш не преминал 50 проценти во ниту една анкета во живо.