Во вчерашната ковид статистика беа регистрирани 982 нови и 19 починати лица од кои, четири пациенти се од Скопје.
Уплатена првичната сума за вакцините кои ги обезбедуваме преку „КОВАКС“
„На средба со коалициските партнери во Владата информирав за состојбата со коронавирусот и актуелните информации во однос на вакцинацијата. Драго ми е што имаме силна поддршка од сите партнери во менаџментот на кризата“, вели министерот за здравство, Венко Филипче.
Следниот период е исклучително важно да се воспостави ефикасен и брз протокол за вакцинација на граѓаните за што интензивно се подготвуваме. Веќе ја уплативме првичната сума за вакцините кои ги обезбедуваме преку КОВАКС системот од каде треба да ни пристигнат 833.000 вакцини, додава тој.
Вкупната бројка на ковид дијагностицирани во нашата земја од почетокот на епидемијата изнесува 73025, бројката на оздравени пациенти е 48726, на починати е 2096, а бројот на активни случаи изнесува 22203.