Главниот преговарач на ЕУ во преговорите за „Брегзит“, Мишел Барние, вели дека по четири години преговори со Велика Британија и конечниот договор за идните односи, тој чувствува „и олеснување и тага“.
– Велика Британија одлучи да ги напушти ЕУ и единствениот пазар и да се откаже од сите придобивки од членството. Новиот договор не им дава права или придобивки што ги имаа и очекуваме големи промени за многу компании и граѓани од 1 јануари – рече Барние.
На прес-конференција во Брисел, Мишел Барние истакна дека преговорите со Лондон биле особено интензивни во последните девет месеци кога се преговарало за нови партнерства.
– Заштитата на нашите интереси беше главното и најважно за време на сите овие преговори и мило ми е што успеавме. Сега останува на Европскиот парламент и Советот да го изразат своето мислење за овој договор – рече Барние.
Мишел Барние заклучи дека ЕУ-27 покажа единство и солидарност за време на целиот тек на преговорите со Велика Британија, што е нејзина сила. Тој заклучи дека „за него било голема чест да биде дел од тоа европско единство“.
Барние изјави дека трговскиот договор договорен со Велика Британија е олеснување, бидејќи е склучен само една недела пред крајниот рок.
„Часовникот веќе не отчукува“, рече тој на прес-конференција.