„Нашите херои сте токму вие – здравствените работници!“, напиша министерот за здравство, Венко Филипче, објавувајќи слика со медицинскиот техничар Денис Јанкуловски или попознат по прекарот Космонаутко.
Тој вели дека изминативе 10 месеци Јанкуловски неуморно се вложи себе си во справувањето со пандемијата од КОВИД-19.
„Со неговите колеги поминал во многу куќи, станови, населби земајќи брисеви за коронавирусот. Се соочил со многу емотивни моменти, насмевки и солзи кај луѓето. Но, за момент Денис им го менувал расположението. Со неговиот позитивен дух станал омилен кај дечињата и родителите токму поради грижливиот и искрен пристап. Му се заблагодарувам за професионалноста и за добрината. За тоа што стравот кај граѓаните го претвораше во надеж и во спокој дека и оваа кризна ситуација ќе помине“, објави Филипче на Фејсбук.