Гир: Преговорите ќе почнат тогаш кога ќе има договор со Бугарија

Преговорите со Европската Унија ќе започнат тогаш кога ќе има договор со Бугарија, рече евроамбасадорот во земјава Дејвид Гир  на онлајн конференцијата „Улогата на медиумите и граѓанските организации во процесот на интеграции”.

„Точно е дека преговорите ќе почнат тогаш кога ќе има договор, меѓутоа, нема причина во меѓувреме да се чека да не се спроведуваат реформите, бидејќи тоа само ќе го забрза патот понатаму и тоа е во интерес на сите граѓани. Колку повеќе напредуваме во реформите, толку поблиску ќе биде државата кон Европската Унија“, изјави Гир.