Електричната енергија во Србија од денес е поскапа за 3,4 проценти. Просечната цена на електричната енергија за корисниците кои имаат право на гарантирано снабдување по регулирани цени, а тоа се домаќинства и мали потрошувачи, ќе изнесува 7.867 динари за киловат-час, без даноци и давачки.
Иако цената на електричната енергија скока за 3,4 проценти, сметката за вториот месец од 2021 година ќе биде поголема за вкупно 7,9 проценти, имајќи го предвид зголемувањето на надоместокот за обновливи извори на енергија.
Имајќи предвид дека просечната сметка за електрична енергија за домаќинствата е околу 3.000 динари, овие две зголемувања на цените практично значат дека месечните сметки може да бидат повисоки за околу 400 динари во просек.
Согласноста за последното покачување на цената ја даде Агенцијата за енергетика, на барање на ЕПС, во декември минатата година, пишува „Блиц“.
Патем, цената на електричната енергија последен пат се зголеми на 1 декември 2019 година, за 3,9 проценти. Претходно, цената беше зголемена за два проценти во октомври 2017 година, што ја зголеми месечната сметка на просечниот потрошувач за околу 70 динари.