Вршителот на должноста претседател на Косово, Вјоса Османи, денес го поздрави ставот на американскиот претседател Џо Бајден дека меѓусебното признавање е единствената опција во дијалогот меѓу Белград и Приштина.
„Го поздравувам јасниот став на претседателот Џо Бајден во врска со дијалогот Косово-Србија. Јасно е дека единствениот пат напред во дијалогот е договор за заемно признавање. Ова е неопходен пристап за успешно завршување на преговорите“, напиша таа на Твитер, коментирајќи ја пораката на американскиот претседател во писмото – честитки до претседателот на Србија, Александар Вучиќ, по повод денот на државноста на Србија.
Welcome @POTUS Joe Biden's clear stance on 🇽🇰- 🇷🇸Dialogue.
It is unequivocally clear that the only way forward in the Dialogue is the mutual recognition agreement.
An approach missed since the beginning of the Dialogue – an approach needed for its successful completion.— Vjosa Osmani (@VjosaOsmaniMP) February 7, 2021
Претходно, премиерот на Косово, Авдулах Хоти, му се заблагодари на Бајден за пораката до Вучиќ, велејќи: „Само добри вести за Косово и понатаму доаѓаат од Белата куќа“.
Реагирајќи на честитките на Бајден, Вучиќ изјави дека меѓусебното признавање на Србија и Косово не стои на ниту еден акт, на која било светска организација, дека тие разбираат дека ова е нова американска политика, но дека неговиот одговор нема да се разликува од оној од Белата куќа оваа есен – Србија не се согласува со тоа.