„Доказите против Трамп се огромни и тој нема одбрана за своите постапки“

Менаџерите на импичментот во Претставничкиот дом на САД денеска изјавија дека доказите против поранешниот американски претседател Доналд Трамп се огромни и дека тој нема одбрана за своите постапки.

На кратко, менаџерите за импичмент предводени од демократите изјавија дека поттикнувањето на Трамп за бунт е најтешкото уставно злосторство што некогаш го извршил претседател, објави „Ројтерс“.

Трамп е обвинет за поттикнување на неговите приврзаници насилно да го нападнат американскиот Капитол на 6 јануари.