МВР уапси Азербејџанец во Скопје, кој бил баран од Интерпол

МВР соопшти дека 47-годишен маж од Азербејџан е уапсен во Скопје, по распишана меѓународна потерница од Интерпол Баку, Азербејџан.

„Денеска (15.02.2021) во 11.50 часот во Скопје  полициски службеници од Секторот за меѓународна полициска соработка- Отсек за меѓународни потраги го приведоа Б.А. (47) од Азербејџан, по распишана меѓународна потерница од Интерпол Баку, Азербејџан, кој се барал за издржување на казна затвор во времетраење од 12 години“, велат од полицијата.

Секторот за меѓународна полициска соработка продолжува со активностите за приведување на бегалците од правдата на територијата на Република Северна Македонија, но и надвор од неа во соработка со Интерпол и полициите на другите држави.