Каевски: ВМРО-ДПМНЕ можеби е единствената партија во светот која се противи граѓаните да добијат нов Клинички центар (ВИДЕО)

„ВМРО-ДПМНЕ предводена од Христијан Мицкоски продолжува да работи на штета на граѓаните и државата. ВМРО-ДПМНЕ и Мицкоски само нешто блокираат, кочат, се однесуваат деструктивно кон секое важно прашање за државата“, соопшти денеска на прес-конференција, Дарко Каевски, пратеник на СДСМ.

„Пратеничката група на ВМРО-ДПМНЕ со 2.000 амандмани го блокира носењето на Законот потребен за да започне изградбата на нов Клинички центар во Скопје кој ќе пружа квалитетни и интегрирани здравствени услуги за сите. ВМРО-ДПМНЕ можеби е единствената партија во светот која се противи државата, граѓаните да добијат нов Клинички центар, прв по цели 80 години“, истакна Каевски.