Рестораните и кафулињата ќе бидат отворени во недела под одредени услови, објави кабинетот на премиерот на Израел, Бенјамин Нетанјаху во саботата вечерта.
Меѓу другото, внатре може да се послужуваат само гостите со „зелен пасош“.Гости кои не биле вакцинирани можат да седат само на отворено.
На студентите со зелен пасош, исто така, ќе им биде дозволено да се вратат на универзитетите од недела. Невакцинираните студенти сепак ќе можат да присуствуваат на предавања само преку Интернет.
Носителите на зелени пасоши – луѓе кои се опоравиле од КОВИД-19 и луѓе чија втора вакцинација била пред најмалку една недела – ги добиваат назад основните права и слободи во Израел порано од оние кои не биле вакцинирани.
Правилата за растојание и хигиена сè уште важат за сите граѓани на Израел.
Кампањата за вакцинација во Израел е една од најбрзите во светот. Во земја со население од нешто над 9 милиони жители, повеќе од 4,9 милиони досега ја примиле првата доза на вакцина, а околу 3,7 милиони ја примиле втората доза.