Уште 10 лица починаа од корона, најмладиот има 47 години

Министерството за здравство денеска пријави вкупно 10 починати лица како последица од коронавирусот.

По тројца пациенти од Скопје (85г,70г,70г) двајца пациенти од Кавадарци (90г, 59г) и по еден пациент од Штип (47г), Велес (59г), Кочани (79г), Куманово (82г), и Охрид (68г).

Девет пациенти се починати во болнички услови, еден пациент во домашни услови.

Досега во земјата се направени вкупно 543.254 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 107.163, бројката на оздравени пациенти е 94.729, на починати е 3.195, а бројот на активни случаи изнесува 9.239.