Научниците одамна утврдија дека колку повеќе се движите и вежбате, толку побројни здравствени придобивки има, како што се намалување на ризикот од болести и рана смрт, до поголема флексибилност, согорување на повеќе маснотии, па дури и зголемување на вашата креативност.
Ако го живеете овој животен стил и премногу седите, постојат неколку начини да му наштетите на вашето тело, и на краток и на долг рок. Меѓу другото, може да развиете чувство на вознемиреност и да го зголемите бројот на килограми, пишува 24сата.хр.
1. Чувство на вознемиреност
Студија објавена во списанието BMC Public Health заклучува дека луѓето со „ниско ниво на енергија“ што им се припишува на премногу долго седење имаат многу поголем ризик од развој на анксиозност.
„Активностите, кои вклучуваат гледање телевизија, работа на компјутер или играње компјутерски игри, се нарекуваат седетарно однесување“, објаснуваат истражувачите.
Истражувачки тим од австралискиот центар за истражување на физички активности и исхрана при универзитетот Дикин забележал дека 36 проценти од испитаниците во средно училиште имаат поголема веројатност да доживеат анксиозност доколку поминат два часа или повеќе на ден пред екраните. Истражувачите сугерираат дека вознемиреноста и седетарното однесување се поврзани поради лошиот сон, „лошото метаболичко здравје“ и социјалната изолација.
2. Лошо држење на телото и болка во грбот
„Лошото држење на телото може да доведе до болка, но кога ќе му нанесете поголема штета на вашето тело, цел живот ќе имате лошо држење на телото“, објасни киропрактичарот Ендру Банг за Eat This.
Според UCLA Health, долгото седење предизвикува болка во грбот, што е предизвикано од поголем стрес на грбот, вратот, рацете и нозете.
„Може да додаде огромен притисок врз мускулите на грбот и пршлените. Покрај тоа, седењето во „лежечка положба“ може премногу да ги истегне лигаментите и пршлените”, објаснува Ендру.
Како резултат, здравствените експерти ве советуваат да се движите повеќе, да бидете поактивни и рутински да се истегнувате. Додека работите, проверете дали седите правилно и дали вашиот монитор е на ниво на очите.
3. Недостаток на внимание
Според новата студија направена од истражувачи од Универзитетот во Илиноис, објавена во International Journal of Obesity, премногу седење всушност ќе го намали вашето вниманието.
4. Ќе размислувате побавно
Студентите кои користеле стоечка маса биле подобри на училиште отколку оние кои седеле на нивните работни маси, покажува студијата објавена во Интернационалниот весник за унапредување и едукација на здравјето. Покрај тоа, истражувачите од Универзитетот во Texas A&M откриле дека студентите кои стоеле согорувале 15 калории повеќе од оние што седат.
5. Ќе се здебелите
Ако седите, не согорувате калории. Според студија на земјоделските работници објавена во Physiology (Bethesda), оние кои ги поминуваат своите денови на нозе, веројатно ќе согорат 1.000 калории повеќе од работниците кои деновите ги поминуваат седејќи на маса. Друго истражување, објавено во списанието „Science“, открива дека дебелите луѓе обично седат два часа повеќе на ден отколку оние кои не се дебели.
6. Ќе бидете изложени на ризик од развој на тромб
„Долгото седење без станување може да доведе до длабока венска тромбоза, формирање на тромб во вена длабоко во телото“, објаснува д-р Џорџ Џеј Тод.
„Обично влијае на големите вени на бутот и ногата, но може да се појави и во други делови од телото. Штом се формира тромб во вена, може да патува до срцето и белите дробови. Може да создаде белодробна емболија во белите дробови, што може да предизвика отежнато дишење, болови во градите, па дури и смрт“, вели Тод.
7. Ќе си го скратите животот
Според пресметките на д-р Џејмс Левинеаз од клиниката Мајо, губите приближно два часа живот за секој час само што седите.
„Седењето е поопасно од пушењето, убива повеќе луѓе отколку ХИВ“, рече тој за „Лос Анџелес тајмс“.