440
КИЛИЈАН МБАПЕ го сруши рекордот во најсилното клупско натпреварување со гол од белата точка, кој го постигна за ПСЖ на реваншот од осминафиналето во Лигата на шампионите против Барселона (1:1, прв натпревар 4:1 за ПСЖ) .
Тој погодок е 25-ти во Лигата на шампионите и тој стана најмладиот играч кој постигнал толку многу голови. Тоа му успеа на возраст од 22 години и 80 дена, со што го сруши рекордот на Лионел Меси.
Аргентинецот беше најмладиот до сега со 25 погодоци во Лигата на шампионите. Тој дојде до таа бројка за 22 години и 286 дена.
Мбапе ја сруши Барселона во осминафиналето со четири гола на два натпревари, но и рекордот на Меси.