Цветанов: Мијалков ми понуди дневно да вадиме по 2 милиони евра и тоа го нарече донации за партијата

„Конечно се создадоа услови за да почне сериозно да се гради системот на владеење на правото. Додека не се случи апсењето на Мијалков и Камчев се уште функционираше коалицијата Груевски, Протугер, Мијалков, Камчев и уште 3-4 поситни функционери и личности“, вели Ване Цветанов, поранешен директор на Агенцијата за спречување перење пари и финансирање тероризам, за емисијата „24 анализа“.

Тој се согласува дека е убаво да се одреди кауција за обвинетите, но таа да биде по 2,5 милијарди евра.

„Мене лично Мијалков ми понуди во 2008 година да помогнеме и организираме една операција каде дневно би се ваделе по 2 милиони евра и тогаш тоа го нарече донација на партијата“, вели Цветанов.