417
Американскиот претседател Џо Бајден се чувствува добро откако денеска се сопна по скалите додека се качуваше во претседателски авион, изјави за новинарите портпаролката на Белата куќа, Карин Џин-Пјер.
Таа сугерираше дека силниот ветер во воената база Ендрус, близу Вашингтон, можеби допринел за падот, пренесува „Танјуг“, повикувајќи се на „Ројтерс“.
„Надвор е многу ветровито. Претседателот е 100 отсто добро“, одговори Џин-Пјер на прашањето за неговото сопнување.
Инцидентот се случил непосредно пред полетувањето за Атланта, каде Бајден треба да се состане со водачите на азиската заедница по пукањето во салоните за масажа во вторникот.