Сите оние кои ги прекршуваат анти-епидемиски мерки и свесно го загрозуваат здравјето на другите, треба да одговараат според Кривичниот законик, смета епидемиологот и член на српскиот Кризен штаб – Бранислав Тиодоровиќ.
Тој за српски „Курир“ потенцира дека според Кривичниот законик е можна и затворска казна, за која одлучуваат обвинителството и судот. Посочи дека, ако тој се прашува, казната за неносење маски во затворено ќе изнесува 50.000 динари.
Тиодоровиќ рече дека консултациите за мерките за следната недела треба да се одржат утре и посочи дека се уште не е закажана седница на Кризниот штаб.
Смета дека е сè уште рано да се процени ситуацијата и дека пред понеделник, вторник, кога ќе се погледнат „корона-бројките“, не може да се види реалната слика.
Епидемиологот истакна дека медицинскиот дел на Кризниот штаб е за продолжување на мерките, но тој оцени дека треба да се земат предвид и „некои од неопходните витални услуги“.
„Ако се расипе чешма или снема струја, продавницата што ги продава тие делови мора да работи за него. Ние ќе пуштиме сè што е потребно, со строго почитување на сите мерки. Не треба да работи таму каде што луѓето се собираат, а тоа се кафани, кафулиња, трговски центри … “, изјави Тиодоровиќ.
Тој додаде дека „нема проблем да биде отворено апсолутно сè доколку соодветно бидат санкционирани оние што ги прекршуваат мерките“.