Српскиот кошаркар Никола Јокиќ, заедно со неговиот соиграч Џамал Мареј, би можел да добие голема казна од страна на НБА лигата затоа што го критикуваа судењето по натпреварот помеѓу Денвер и Њу Орлеанс.
Пеликаните го добија тој натпревар, иако Јокиќ забележа трипл-дабл, а на кошаркарите на Денвер им е замерено затоа што јавно зборуваа за судиските критериуми поврзани со слободните фрлања.
Имено, односот во корист на Пеликаните беше 30:10, а тие зедоа дури девет во последните две минути – во моментот кога Денвер поведе со 102: 101.
– Сакате да ми кажете дека Џокер игра натпревар што трае 48 минути и никогаш не оди на линијата за слободни фрлања? Тоа е смешно! Само да кажам нешто друго … Односот во пеналите е 30-10. Во последните четири минути шутираа само пенали, што не е нормално. Можеме да играме одбрана најдобро што можеме, но не можеме да ги браниме слободните фрлања – му рече Мареј на Харисон Винд, новинар на „ДНВР Спортс“.
Јокиќ беше нешто поумерен во интервјуто кое го даде по мечот, но американските медиуми сепак истакнуваат дека тој е близу до казна.
– Значи, тие имаа 30 слободни фрлања? Затоа го загубивме мечот – изјави Србинот кој мечот го заврши со 29 поени, 10 скока и 10 асистенции.