Бугарија протера двајца руски дипломати, причината е шпионажа

Бугарија објави дека протера двајца руски дипломати по откривањето на шпионска мрежа за која се верува дека работела во корист на Москва.

„Бугарското Министерство за надворешни работи прогласи двајца дипломати во руската амбасада во Софија за персона нон грата и им даде 72 часа да ја напуштат земјата поради активности некомпатибилни со нивниот дипломатски статус“, се вели во соопштението.

Претходно истиот ден, бугарските обвинители соопштија дека предистражната истрага утврдила дека двајца руски државјани со дипломатски имунитет се занимаваат со незаконски разузнавачки активности.

Обвинителите рекоа дека осомничените не можат да бидат обвинети за шпионажа поради дипломатски имунитет.