„По неколку години напори да ги задоволи барањата на Европската унија за евентуално станување земја кандидат, вклучително и забележителен обид за решавање на историскиот спор во врска со неговиот идентитет на меѓународниот фронт, заради постојаното спротивставување на Грција овие последни децении до склучувањето на договорот од Преспа во 2018 година, С. Македонија ја наоѓа својата политичка судбина како заложник на Бугарија во невиден потег. Бугарската тактика на вртење на раката започна во 2019 година кога се прибегна кон вршење груб притисок во рамките на институциите на ЕУ врз основа на сомнителни и инструментализирани културни и историски тврдења против С. Македонија. Како што стојат работите, ова не само што претставува закана за дестабилизација на целиот регион исто така ги комплицира односите помеѓу Западен Балкан и Унијата“, пишува во својата анализа, германската невладина организација „Just Access“.
Според нив, постапките на Бугарија против С. Македонија претставуваат злоупотреба на меѓународното право.
„Уцените во Бугарија се насочени кон судбината на Северна Македонија во критичен момент преку искористување на историски и националистичко-културни дебати. Бугарија ја држи како заложник политичката судбина на Северна Македонија со барања без преседан. Правејќи го тоа без вистински правни аргументи за поддршка, па дури и без да ги артикулира нејасно аргументите во врска со самиот процес на пристапување во ЕУ, Бугарија непогрешливо дејствува во лоша намера со злоупотреба на ЕУ и меѓународните правни правила. Сепак, без судски средства за решавање на спорови, овие повреди најверојатно нема да предизвикаат правни последици во оваа фаза“, стои во анализата.
Со ветото Бугарија го крши билатералниот „Договор за пријателство“ кој е на сила. На 1 август 2017 година, официјалните претставници на Бугарија и на С. Македонија потпишаа Договор за пријателство, добрососедство и соработка, кој стапи на сила на 14 февруари 2018 година. Билатералниот договор недвосмислено ги обврзува обете држави да развиваат сеопфатни односи во согласност со основните принципи на меѓународното право и добрососедството.
„Бугарија не повика на никаква насилна акција против нејзиниот сосед. Сепак, нејзините тврдења на меѓународно ниво со кои се врши притисок против С. Македонија, јасно може да се сметаат како дел од непријателска пропаганда наменета да ѝ наштети на соседната земја“, се нотира во текстот.