Која вакцина против коронавирусот ја прими рускиот претседател Владимир Путин знаат само тој и неговиот лекар, изјави пред новинарите портпаролот на Кремљ, Дмитриј Песков.
„Синоќа објавивме дека сите три руски вакцини се апсолутно сигурни, апсолутно ефикасни и апсолутно безбедни и затоа нема разлика со која претседателот беше вакциниран. Само тој и неговиот лекар кој го вакцинираше знаат која вакцина ја избрал“, одговори Песков запрашан од новинарите.
Официјален Кремљ денес објави дека претседателот Владимир Путин им дал добар пример на руските граѓани со вакцинирање против ковид-19 и дека ќе ја добие втората доза на вакцината за околу три недели.
Сепак, Кремљ не објави фотографии или видео од вакцинацијата на претседателот, пренесува „Ројтерс“.