„Луѓето ќе можат да уживаат во нивниот одмор почитувајќи ги мерките што ги почитуваат сите Грци и да бидат сигурни дека за нивната безбедност се води сметка“, истакна грчкиот министер за туризам, Харис Теохарис, најавувајќи дека границите на земјата ќе бидат отворени за туристите летово. Сепак, кои се мерките што треба да се следат во Грција?
Паралелно со веста за почеток на туристичката сезона на 14 мај и условите за туристите од Македонија, мерките во Грција започнаа да се олеснуваат, а можеби не е рано да се провери што всушност може да ни се случи ако сакаме да одиме на пролетен одмор со поглед на море. Бидејќи, како што суптилно спомена Теохарис, туристите нема да имаат „посебен третман“ во однос на Грците.
Министерот за кризи, Никос Хардалиас, најави дека малопродажниот сектор ќе се отвори на 5 април со одредени ограничувачки мерки, додека големите супермаркети и трговски центри воопшто нема да работат. За да одат на шопинг, граѓаните на Грција треба претходно да испратат порака до одреден број, а потоа имаат три часа за шопинг. Дозволено е само еднаш на ден, а со цел да се обезбеди почитување на далечината, продавницата може да прими само еден клиент на 25 квадратни метри, а вкупно 20 ќе можат да бидат во иста просторија, пренесе „Greek reporter“.
Исто така, патувањата надвор од градот ќе бидат дозволени само за време на викендите, а од недела, 3 април, цело семејство или најмногу три лица од различни домаќинства ќе можат да бидат во еден автомобил, доколку сакаат да патуваат во други региони за спортски активности, објави агенцијата „АНА“.
Сепак, пред да започнете да замислувате колку вакви мерки ќе ви го расипат одморот, имајте на ум дека ова е почеток, откако до неодамна Грција имаше полициски час, продавниците, училиштата, салоните, па дури и црквите беа затворени.
Грција е во таков режим веќе девет месеци, тие полека се ослободуваат и постепено ги олеснуваат мерките до 15 април. Дури од 10 мај, мерките треба да бидат ублажени што е можно повеќе. Сепак, тие ќе мора да се почитуваат.
Угостителите веќе погодуваат како ќе изгледа летниот одмор во Грција.
„На островите е малку поразлично отколку на копното на Грција. Можеби сепак не е толку строго. Скијатос е мал остров, затоа се движиме нормално, не е важно дали има три лица во групи, носиме маски, но не и надвор. Очекуваме дека истото ќе важи и за првите туристи – маски, поголемо растојание помеѓу лежалките на плажите, ни навестија дека ќе работат градините на кафулињата, но не знаеме со сигурност. Мислам дека луѓето што ќе дојдат на море во Грција ќе мора да ги следат правилата, но дека тоа нема да биде оптоварувачко“, вели Антонис Кисурас, сопственик на стан во Грција, цитиран од Нова.рс.
Теохарис изјави дека е планирано и случајно тестирање на границите, а позитивните ќе бидат ставени во карантин или испратени дома.
„Ако некој од туристите, сепак, има симптоми за време на одморот, тие ќе бидат прегледани. Ако има индикација дека е заразен, тој ќе биде тестиран и неговата состојба ќе се следи. Исто така, ќе добие карантин или хоспитализација доколку е потребно, бесплатно. Сите медицински трошоци поврзани со Ковид-19 ќе бидат бесплатни“, рече министерот при неговата посета на нашиот северен сосед.