Без вода денеска ќе бидат корисниците од дел на улиците во Општина Бутел, селото Студеничани и касарната Илинден. Како што информираат од ЈП „Водовод и канализација”, во Бутел од 09:15 часот без вода ќе бидат корисниците од улиците „Призренска”, „Галичник”, „Пребондова”, „Мостарска”, „Мрежичка”, „Марко Крале” и „Коле Канински”.
Причината за прекинот е дефектот на водоводната цевка Ф 100мм на улицата „Призренска” 5.
Корисниците од Студеничани од 09:20 часот ќе бидат без вода поради уличен дефект ф-100мм на ул.2 / бб Студеничани.
Со прекинато водоснабдување од 09:30 часот ќе бидат корисниците од Касарната Илинден, поради дефект на затварач Ф 200мм на улицата „Словеначка” бб, Пумпена Станица Аквадукт.
Водоснабдувањето ќе биде прекинато до завршување на дефектот.