Старлетата Тијана Максимовиќ, попозната како Тијана Ајфон, откри нови детали за нејзиното неодамнешно апсење, а исто така зборуваше и за полиграфот на кој се најде за да ја докаже својата невиност во случајот со Вељко Беливук.
„Тешко ми е, тешко ми е да се борам секој ден со работите што ме обесхрабруваат, но јас се борам. Затоа сега решив да ставам крај на сè што е напишано и кажано за мене. Јас бев единствената која се согласив на полиграф и го поминав, а прашањата не беа поврзани само со Беливук, туку и со целото мое минато“, рече Тијана Ајфон.
Таа вели дека имала страв секој ден кога влегувала во салонот, од каде што била однесена на испрашување.
„Гледам наоколу мислејќи дека полицијата ќе влезе во секој момент. Не затоа што направив нешто лошо, туку затоа што тој страв е во моите коски затоа што не мораше да се случи во мојот салон покрај вработените“, рече старлетата.
Додаде дека е чиста во целиот случај, како и дека само медиумите неа ја осудуваат.
„Клеветите беа многу грди, овојпат претераа. Јас сум законски потполно чиста, имав само проблеми со медиумите“, рече Тијана Максимовиќ.
На прашањето како тоа била повикана за исказ за случајот Беливук, Максимовиќ рече дека тоа било заради „грешка од нејзината младост“, односно нејзиниот поранешен партнер кој бил пријател со Беливук.