Андријана Мехија од Мексико изгуби половина од своето семејство за 83 дена по огромниот скок на бројот на заразени со коронавирусот.
Според извештаите на медиумите во Мексико, трагедијата нема крај со дивеењето на Ковид-19.
Андријана е едно од осумте деца. Таа најпрво го загуби својот татко Хуан, кој почина минатиот јули. Само две недели подоцна, нејзината постара сестра Сесилија ги доби првите симптоми и наскоро го загуби животот во борбата со короната. За жал, ова не е крај на приказната на Андријана затоа што таа подоцна го изгуби својот брат Хуан Карлос, мајката и сопругот.
– Одевме од погреб на погреб. Не знаевме дали веќе има крај на ова, вели Андријана (46), графички дизајнер.
Медиумите наведуваат дека претседателот на Мексико, Лопез Обрадор, го потценил вирусот и одбил да ги спроведе мерките што биле на сила низ целиот свет. Исто така, се наведува дека властите го сокриле точниот број на мртви. Поради несоодветни мерки и игнорирање на фактот дека вирусот напредува и се шири, ситуацијата стана катастрофална.
Андријана Мехија вели дека членовите на нејзиното семејство се жртви на недостаток на информации.
– Изгубив најголем дел од моето семејство и покрај тоа, не можев да плачам додека не почина мајка ми. Тоа беше моментот кога сфатив што се случува – изјави Мехија, која моментално е во посета на психотерапевт за да ги реши своите емотивни проблеми и траумата што ја преживеа.