Претседателот Стево Пендаровски денеска потврди дека се пријавил на веб-страната за вакцинација,.
– Да, се пријавив пред неколку дена на сајтот, како што е за сите граѓани.Се разбира дека ќе се вакцинирам со вакцината што ќе биде достапна во тој момент. Ова го велам затоа што постојат контроверзии за различни видови на вакцини и можам да ве уверам дека се што е одобрено во нашата држава од надлежен авторитет и власт е проверено. Сите вакцини што се увезени и се аплицираат врз нашите граѓани се 100 проценти проверени, исто како да се вакцинирате во која било европска држава, изјави претседателот Пендаровски одговарајќи на новинарското прашање на денешната промоција на поштенската марка издадена по повод 100 години од раѓањето на Блаже Конески.