Мино Рајола, агентот на Ерлинг Халанд, потврди дека сè уште ништо не е решено кога станува збор за тоа каде Норвежанецот ќе ја продолжи кариерата.
Иако Борусија објави дека не се подготвени да го продадат, Италијанецот има друга идеја.
Тој во интервју за весникот „Ас“ рече дека има уште многу време за сè да се промени.
„Тие го кажаа она што го рекоа. Да видиме дали ќе ја имаат истата желба до 1 септември. Ова е денешниот став на Дортмунд, но јас имам своја визија, ако се појави добра можност и сите се среќни, ќе ja ставиме на маса“, вели Рајола.
Додаде дека парите не се единствениот фактор за избор на нов клуб.
„Халанд е заинтересиран за две работи. Давање голови, бидејќи тој е како Роналдо или Златан … Тоа е негова опсесија, на позитивен начин. И освојување трофеи. Без сомнение, тој ќе го избере клубот во кој овие две работи се комбинираат на најдобар начин. Тешко е да лажам. Кога ќе дојде клуб како Реал или Барселона за вас, а тоа се клубови со долга историја, тешко е да се каже „не“.
Ова не значи дека младиот напаѓач ќе се приклучи на еден од шпанските великани.
„ПСЖ е во тој круг на големи клубови, Сити се обидува, Јувентус отсекогаш бил таму. Лигата во која се натпреваруваат е важна. ПСЖ игра во најлошата лига од тие големи клубови. Баерн е во атрактивна лига, тие секогаш победуваат Во Шпанија, три клуба имаат шанса. Не знам дали Реал може да си го дозволи тоа, не сум ги проучувал нивните финансиски книги. Мислам дека можат, сите тие можат. Сите големи 14 клуба го сакаат. Сега важно е да се знае која е најдобрата опција“, заклучи Рајола.