452
Навивачите на Интер се собраа на култната Пјаца дел Дуомо во центарот на Милано за да ја прослават новата титула во Серија А.
Фудбалерите на Интер ги освоија клучните три бода во саботата со победа на гостувањето кај Кротоне, а потоа со нетрпение го очекуваа дуелот помеѓу Аталанта и Сасуоло, кој заврши нерешено. Со тоа, титулата беше освоена и прославата можеше да започне.
Во Милано, од каде избувна и започна пандемијата на коронавируси во Европа, се славеше до доцна во ноќта без да се почитуваат епидемиолошките мерки, а не станало збор ниту за социјалната дистанца.
Ова е прва титула на Интер од 2010 година, со што беше прекината фантастичната серија на Јувентус од девет последователни титули во италијанската лига.