Напаѓачот на Манчестер Сити, Серхио Агуеро имаше можност да му донесе предност на својот тим од 2:0 во големото дерби со Челси, и со победата математички да им обезбеди нова шампионска титула на „граѓаните“.
Сепак, искусниот Аргентинец си „поигра“, се обиде да ја продаде познатата „паненка“ на голманот на „сините“, Менди од белата точка, и се посрамоти, бидејќи Сенегалецот ја фати „жива“ топката.
Агуеро мораше да им се извини на навивачите на Сити за тој потег, и тоа го стори на својот профил на Твитер.
I would like to apologise to my teammates, staff and supporters for missing the penalty. It was a bad decision and I take full responsibility.
— Sergio Kun Aguero (@aguerosergiokun) May 8, 2021
Да потсетиме, договорот на Аргентинецот наскоро ќе истече и по десет сезони ќе го напушти Манчестер Сити.
Во тој дел се планира да се подигне негов споменик пред стадионот „Етихад“ и тешко дека овој неуспех ќе може да го расипе сеќавањето на Кун.