Францускиот претседател Емануел Макрон денес изјави дека националните поделби за време на пандемијата ковид-19 ја нагласиле потребата од зајакнување на силата на Европската унија, бидејќи отвориле консултации за иднината на Европа на настан што беше речиси откажан поради внатрешни спорови.
Во говор од ТВ студио, францускиот претседател рече дека се надева оти конференцијата „Иднина на Европа“, континуирана серија настани и онлајн анкети на јавното мислење, ќе го зајакне донесувањето одлуки на ниво на ЕУ, објави британскиот весник „Гардијан“ .
Макрон избегна да спомене промена на договорот со цел да ги пренесе надлежностите на институциите на ЕУ од националните влади, на што жестоко се спротивставија голем број влади на земјите-членки кои би можеле да бидат принудени да започнат референдуми како одговор.
Наместо тоа, тој долго зборуваше за тешкотиите за време на пандемијата што се појавија при координирање на напорите поради недостаток на централни овластувања во здравствената заштита и проблемите со донесување одлуки кои беа „задушени од нашите процедури“.
„Веќе некое време сме поделени кога станува збор за купување маски или затворање на границите, дури и околу фондот за обновување“, рече Макрон.
Овие слабости ги објаснуваат тешкотиите во координацијата, посочи Макрон, додавајќи дека затоа мора да се извлечат поуки со оглед на големиот шок од пандемијата и зајакнатите заеднички капацитети, бидејќи се дава соодветен одговор на европско ниво.
„Нашата европска демократија е компромис за постигнување рамнотежа и тоа е нешто што мора да го заштитиме како богатство, бидејќи избегнува каква било хегемонија. Слабост е и кога ќе се загушиме во сопствените процедури … Ние мора да најдеме ефикасен пат напред со амбиција да се надминат кризите и да се избегне недонесување одлука “, нагласи претседателот на Франција.
Макрон рече дека Конференцијата за иднината на Европа, прва предложена пред три години, е можност да се одлучи што би сакала ЕУ за 10 до 15 години.