Јувентус претрпе нов удар и многу тежок пораз од Милан во Торино со резултат 3:0.
Така, „старата дама“ падна на само петтото место во Серија А, и на три кола пред крајот испадна од зоната што води во Лигата на шампионите следната сезона.
„Екипата изгледаше добро во текот на неделата. Имавме вистински пристап и бевме сконцентрирани. Бевме сигурни дека ќе одиграме одлична партија“, изјави Пирло по поразот од Милан.
Се поизвесно е дека Андреа Пирло ќе добие отказ, но тој не сакаше да зборува за тоа по мечот со Милан.
„Нема да поднесам оставка. Дојдов тука со голем ентузијазам и покрај многу потешкотии. Јас сум на располагање на клубот. Имаме уште три натпревари и ќе останам овде колку што можам. Ако нешто не е добро, ја преземам целата одговорност. Овој тим има одлични играчи и очигледно нешто не е добро. Имав на ум различен проект и верував дека ќе имам малку поинакви играчи. Работев на некои концепти, но морав да направам одредени измени за да се прилагодам на нивните карактеристики“, порача стратегот.
Јувентус ќе игра против Сасуоло, Интер и Болоња до крајот на Серија А, а ги чека финалето на Купот на Италија против Аталанта.