Израелски авиони повторно ја нападнаа Газа, Хамас возврати со истрелување ракети кон Израел петтата ноќ од конфликтот, додека американски и арапски дипломати се обидуваат да најдат начин да го запрат насилството.
Палестинските лекари велат дека најмалку четири лица се убиени во еден од неколкуте воздушни напади во северниот дел на Појасот Газа, додека жителите велат дека ракетите биле испукани од израелските бродови во Средоземното море, иако никој од нив веројатно не го погодил појасот.
Палестинското Министерство за верски работи објави дека израелски авиони уништиле џамија. Воен портпарол изјави дека војската го истражува тврдењето.
Сирените го вклучија алармот во два големи града на југот на Израел поради ракетен напад од Појасот Газа, за кој одговорноста ја презеде Хамас.
Палестинската страна објави дека 11 лица биле убиени на Западниот брег во судирите меѓу демонстрантите и израелските безбедносни сили.
Од понеделникот, најмалку 132 лица се убиени во Појасот Газа, од кои 32 деца и 21 жена, додека 950 се повредени, соопштија палестинските лекари.
Хамас рече дека една жена и едно момче биле меѓу четирите лица убиени во нападот на израелскиот авион во кој беше погоден бегалски камп. Израелската армија не даде коментар за нападот.
Меѓу осумте убиени во Израел има и еден војник на границата со Газа, како и шест цивили, вклучувајќи и две деца, објавија израелските власти.
Израел започна со напади што траеја цел ден во петокот, обидувајќи се да ги уништи, како што рекоа, тунелите долги неколку километри, места од каде што се истрелуваат ракети и магацини каде се прави оружје што го користат милитантите.