Германската амбасадорка Анке Холштајн кажа дека не очекува да им предизвика проблеми на колегите во Софија откако вчера изајви дека 26 земји членки се држат како заложници од некои ситни национални интереси на една земја која прави штета на целата Европска Унија и го уништува нејзиниот кредибилитет на Западен Балкан, притоа мислејќи на Бугарија.
-Тоа што вчера хрватската амбасадорка во Софија беше повикана на разговор се однесува на изјавата на хрватскиот претседател Зоран Милановиќ. Се надевма дека јас на моите колеги од Софија нема да им направам проблем, но никогаш не го употребив зборот Бугарија, изјави германската амбасадорка.
Таа кажа дека португалското претседателство работи на конкретен предлог, но не се знае како тој конкретно ќе изгледа.
-Португалското претседателство во моментов работи на конкретен предлог, односно на една рамка со која би требало да дојде до согласност и нивната цел е до јуни да се дојде до усогласување, рече Холштајн.