По смртта на Кит Флинт во март 2019 година, „Продиџи“ го објави првиот нов материјал и го сподели со своите обожаватели на социјалните мрежи.
„Почнуваат новите ритмови на студиската сесија на „Продиџи“, напишаа тие на Твитер, со видео со ликовите на Лиам Хаулет и Максим.
Кога станува збор за музиката што се слуша во клипот, најавата од 15 секунди сугерира дека бендот ќе продолжи со вообичаено тешкиот звук по кој се познати.
Бендот минатиот септември откри дека се вратиле во студиото, работејќи на продолжението на „No Tourists“ од 2018 година. Поранешниот член на бендот, Лерој Торнхил, откри дека Лиам Хаулет планира да го заврши албумот на кој работеа пред смртта на Флинт.
New Prodigy studio session beats are rollin 💪 #theprodigy #keepitraw #weliveforthebeats pic.twitter.com/bO5wXIJoxZ
— The Prodigy (@the_prodigy) May 18, 2021