Град Скопје нема коментар за металната конструкција која се поставува на Кејот на реката Вардар.
По целодневно очекување на одговор за што се работи, шефот на кабинетот на градоначалникот на Скопје, Петре Шилегов – Никола Наумовски, преку СМС ни одговори дека денеска, за жал, нема одговор за нас.
На социјалните мрежи се појави фотографија на која се гледа како се поставува голема метална конструкција на Кејот 13 Ноември.
Од фотографиите се гледа дека таа треба да служи како летна тераса во некој од угосителските објекти.
На почетокот на оваа година, градоначалникот Петре Шилегов најави дека планирани со градежни работи за целосна реконструкција на Кејот 13 Ноември, со што ќе се реши хаосот и безредието кое владее на овој дел од центарот на градот.
Што се случува на Кеј? @CityofSkopje @salihu_valon ?
Според изјавите на градоначалникот угостителитее имаат само 2,5м од објектот за тераса.
Ова се многу повеќе од 2,5 метри.
Градат ли нелегално или се работи за нешто друго? pic.twitter.com/8LvjX66c1e— Скопски времеплов (@SKvremeplov) May 20, 2021