Левандовски ја освои „Златната копачка“

Роберт Левандовски (33), напаѓачот на Баерн Минхен, ја освои „Златната копачка“ за сезоната 2020/21 година.

Претставникот на Полска постигна 41 гол на 29 одиграни натпревари во Бундеслигата и со тоа стана најдобар стрелец на европските национални шампионати во сезоната, пренесе Анадолија.

Минатата година беше прогласен за најдобар фудбалер во Европа во сезоната 2019/20. во изборот на Европската фудбалска асоцијација (УЕФА) и Европа спортски медиуми (ЕСМ).